Chờ hờp geh tìp wơl ồng Klaus Zellmer, tơnơ̆ dơ̆ lơh broă tàm nhai 01 pa do di dơ̆ lòt còp ngan ngồn lơgar Kộng hoà Czech bơh Thủ tướng dê, Thủ tướng Cíñ phủ ồng Phạm Minh Chính nting bơr chờ hờp Hìu măy rơndeh ô tô Thành Công Việt Hưng ngan ngồn mŭt lơh broă, lơh tềl bơta bơtàu tơngguh ngan ngồn tàm lơh broă bal đah Việt Nam mờ Kộng hoà Czech, ngan là tơnơ̆ tŭ 2 lơgar ring bal tơngguh gĭt gơ̆p gơguh tus Lơh broă bal Jŏ jòng.

Đơs nền Cíñ phủ Việt Nam hơ sùm lòt bal, tam pà bal mờ mpồl lơh sa kă bro, gàr niam ai ală mpồl lơh sa kă bro in kă bro di kơrnoăt boh lam, song niam, geh cồng nha; crăp rơcăng iăt kơno ală jơnau đơs tă pơgồp, tơngguh tai bơta gĭt wă, tơngguh uă cồng nha lơh broă bal, Thủ tướng ồng Phạm Minh Chính sồr Skoda Auto tơngguh tai mờ sơlơ bơcri priă, kă bro mờ lơh broă bal mờ ală mpồl lơh sa kă bro lơgar Việt Nam dê tàm broă lơh sa mờ măy mŏk lơh gơlik rơndeh ô tô; bơtàu tơngguh ală mpồl sơnđờm mŭt lơh broă gah lơh sa mờ măy mŏk rơndeh ô tô Việt Nam.