Đơs tàm pơrjum, Thủ tướng ồng Phạm Minh Chính đơs sùm, nam 2025 geh gơtha is ồn kwơmàng; là nam geh lơh uă broă dờng màng bơh dà lơgar dê; là nam tơngguh mhar, lơh geh lơh jăt Broă rơndăp 05 nam bơh nam 2021- 2025; là nam rơcăng cơnđòa mŭt tàm rài pa- rài brồ să bơtàu tơnguh pas pràn, jak chài, pas sơm jơi bơtiàn dê; wèt tus 2 jơnau kờñ jŏ jòng 100 nam: Pơnđơl tus nam 2030 là lơgar gam bơtàu tơnguh, geh lơh sa mờ măy mŏk pa, priă lơh geh kờp bal uă; tus nam 2045 gơgơs lơgar bơtàu tơngguh, priă lơh geh uă.

Thủ tướng pà gĭt, jơnau kờñ gơguh nam 2025 geh 8% rlau hơđang neh geh tơnggŏ tàm Jơnau lơh nền tàm pơrjum sồ 01 Cíñ phủ dê. Thủ tướng sồr ală oh mi tơrgùm cribơyai ală broă tờm tơnơ̆, là: Kơlôi sơnơng bơsram, ring bal gĭt wă mờ lơh broă, yờ tơngguh uă kơnòl cau lam bồ ală kâp, ală gah, ală tiah dê tàm lơh jăt Jơnau đơs pơndŭt sồ 123 bơh Dà lơgar dê, Jơnau lơh nền tàm pơrjum Quôk hội dê mờ Jơnau lơh nền tàm pơrjum sồ 25 Cíñ phủ dê, lơh geh gơguh jơh gùt lơgar nam 2025 dê geh 8% rlau hơđang, lơh gơlik bơnàng jă kơ̆ kơnhăp ai gơguh 2 nơm khà in tàm tơngai bơh nam 2026- 2030.