Đơs tàm pơrjum, Thủ tướng ồng Phạm Minh Chính đơs sùm, kờñ gơguh lơh sa den pal tơnguh cồng nha lơh broă, jat tàm ală bơta bơtàu tơnguh jak chài măi mok, tam gơl pa bơceh lơh, tam gơl sồ, mpồl cau lơh broă jak; bơto bơtê mờ bơsram, jak chài măi mok là broă lơh kwơ màng làm lài; bơcri priă ai jak chài măi mok, bơto bơtê mờ bơsram mờ bơcri priă ai bơta bơtàu tơnguh in.

Tơnơ̆ iăt ală jơnau đơs, đơs pơndŭt pơrjum, Thủ tướng ồng Phạm Minh Chinh đơs sùm: bol he tam gơl jơnau kờñ gơguh lơh sa gơguh 8% rơ̆p tơrgùm tàm bơtàu tơnguh jak chài, măi mok, tam gơl sồ, tam gơl pa bơceh lơh mờ bơto bơtê mpồl lơh broă jak nàng sơlơ tơnguh tai gơguh lơh sa. Thủ tướng đơs nền, bơtàu tơnguh jak chài, măi mok, tam gơl sồ, tam gơl pa bơceh lơh mờ mpồl lơh broă jak nàng kờñ sơlơ tơnguh tai gơguh lơh sa, là jơnau kờñ di pal, là rơwah kwơ màng, là ai lơh lam lài mờ ai làng bol lơh tờm, lơh cau tờm. Bơtàu tơnguh jak chài, măi mok, tam gơl pa bơceh lơh, tam gơl sồ mờ mpồl cau lơh broă jak pơgồp bơnah rơndăp tăp sèng rài lơh sa, bơtàu tơnguh mhar mờ kơ̆ kơl jăp jŏ jòng.