Jăt broă rơndăp lơh, Ƀộ Dơlam is rơ̆p tơlik jơnau bơto sồr tơrgùm mpồl lơh broă sră nggal, lơh sir mpồl lơh broă, ai kwang bàng jăt broă lơh tơrmù di pal, geh cồng nha, gàr niam broă lơh drơng ala tờm.

Ală jơnau bơto sồr do pal lơh gơs lài mờ ngai 25 nhai 4. Mờ Ƀộ do kung geh kơnòl bơto sồr bè broă priă nhai, priă dong kờl, ai kwang bàng ờ lơh broă mìng dùl kơnòl broă, lơh gơs lài mờ ngai 30 nhai 7. Ƀộ Priă jền geh jào bơto sồr ai priă, bơsong phan bơna, ù tiah, hìu lơh broă, kung bè broă jào sră nggal, phan bơna, lơh gơs lài mờ ngai 25 nhai 4. Ƀộ Bơ̆t bơtàu drơng bơto sồr ai hìu lơh broă pa nàng gơnoar atbồ bal mờ anih lơh broă gơrềng bal in. Thủ tướng sồr ală ƀộ, gah lơh broă rơcang lài pơgồp bal, lơh jăt di mờ tơngai geh ai, tam pà loh cau lơh, loh broă lơh, gàr niam ală tiah lơh jăt broă tơrlòng lơh gơnoar atbồ pa bơh ngai 1 nhai 7 nam 2025; pal kah ngan ƀuơn làng bol in, tàm hơ̆ uă ngan là kơnòm bơsram tŭ rơndăp tăp sèng sàh, sơnah ƀòn, hìu sơnơm kơnhoàl.