Dơ̆ lòt còp ngan ngồn bơh Thủ tướng Cíñ phủ ồng Phạm Minh Chính dê tus lơgar Ba Lan geh gơtha kwơmàng gơ wèt mờ broă chồl tơngguh gĭt gơ̆p 2 lơgar tàm tơngai tus; là tŭ niam nàng ală kwang đơng lam bồ kâp dờng bơh Việt Nam mờ Ba Lan dê tam tìp, tàm cribơyai tơn bè ală broă kwơmàng, bơh hơ̆ lơh geh nùs nhơm pin dờn mờ tàm gĭt wă bal mờ gơ̆p, tơnggŏ jơnau hơ pơrgon tàm broă gàr sùm mờ bơtàu tơngguh bơta gĭt gơ̆p jŏ jòng mờ kơ̆ kơl jăp.

Mơkung pơgồp bơnah gơguh tai bơta pin dờn cíñ trị, chồl tơngguh mờ ai ală broă lơh broă bal ờs mờng bơh yau bè lơh sa, kă bro phan, lơh broă, niam chài, bơto, bơto mpồl cau lơh broă tus dùl tŭ tơngai pa, lơh geh jơnau kờñ bơtàu tơngguh bơh tơl lơgar dê; ai tơl bơta lơh broă bal tàm ală broă bềng bơta pràn, bơta jak bè jak chài măy mŏk, yal tơnggĭt mblàng yal jơnau, sơnơm tơm ba mờ tam gơl pa bơceh lơh.