Tàm dar pơrjum, ală kwang geh jơng tàm Mpồl sồr lơh neh tă pơgồp jơnau đơs tàm ală broă lơh tờm ngan nàng bơtàu tơnguh lơh sa làng bol dê lơh is. Tàm hơ̆ sồr tơrgùm tam gơl wơl, lơh sir, tơnguh bơta niam gùng dà, gàr niam gơnoar khat gơboh kă bro, tàm pơrlòng ring bal gơnoar phan bơna, gơnoar atbồ bơh lơh sa dồ nă să is dê.

Đơs tàm dar pơrjum, Thủ tướng ồng Phạm Minh Chính đơs nền: Ală bơta tàm dà lơgar tŭ do sồr uă kơnòl broă tam gơl pa, tam gơl pràn bơtàu tơnguh lơh sa dà lơgar dê. Tàm hơ̆, lơh sa dồ nă să is là mpồl tờm ngan lơh gơlik phan bơna, tă pơgồp kuơmàng tàm gơguh lơh sa, ai geh broă lơh, tơnguh cồng nha lơh broă, lơh geh tam gơl  pa bơceh lơh mờ sơlơ tơnguh tai pràn jak tàm pơrlòng dà lơgar. Nàng lơh gơlik bơta tam gơl pràn, bơtàu tơnguh, Thủ tướng ồng Phạm Minh Chính sồr tam gơl pa bồ tơngoh kơlôi sơnơng, lơh gơlik bơta ring bal uă bè jơnau git wă, lơh geh bơta pin dờn, lơh gơlik bơta gơn kơnờm, bơta pràn pa, nùs nhơm pa nàng bơtàu tơnguh lơh sa làng bol dê lơh is is.