Tàm dar cribơyai, ală jơnau đơs tơrgùm ai jơnau đơs tă pơgồp tàm rơndăp broă lơh Adat Kŭp jàm (tam gơl) bè cih bè ală broă lơh glài gơ sơ̆t, lơh jat jơnau lơh nền bơh anih cah rơña làng bol dê bè  lơh glài gơ sơ̆t; khà lơh glài mờ khà priă ală broă lơh lơh tìs adat boh lam; ală broă geh gơrềng tus cau lơh tìs măi mok pa, blăc pơrlồm kă bro phan; lơh glài kŭp jàm halà ờ gơwèt mờ broă lơh lơh tìs tŭ lam lơh broă lơh sa kă bro pa mờ cèng bơta lơh tơrlòng lài ngui jak chài măi mok...

Thủ tướng ồng Phạm Minh Chính đơs loh, dơ̆ tam gơl do tơrgùm tàm bàr pe bơta, is ồn là sơlơ tơnguh tai ngui broă lơh tam gơl bơh lơh glài gơsơ̆t tus lơh glài jàm. Đơs pơndŭt dar pơrjum, Thủ tướng đơs sùm, broă lơh lơh adat boh lam ngai sơlơ pal tam gơl pa bồ tơngoh kơlôi sơnơng, broă lơh geh ngan; tơrgùm sră nggal gơnoar atbồ. Thủ tướng kung sồr tam pà kấp, tam pà gơnoar uă ngan rlau jơh gơwèt mờ broă lơh lòt sền, jat sền, lòt bal mờ tam pà priă jền mờ tơnguh uă bơta pràn lơh jat jơnau lơh nền bơh anih cah rơña làng bol dê; gàr niam loh làng kơnòl, loh làng gơnăp gơnoar, loh làng tŭ tơngai, loh làng tơngai mut lơh nàng tŭ adat geh lơh jat ngan ngồn geh lam lơh jat niam, gàr niam cồng nha.