Ală jơnau đơs tàm dơ̆ pơrjum ring bal jơnau geh ai, ală kấp, gah lơh broă, ală càr ƀòn dờng neh bơyai lơh Làng bol in wă rò Satềp chờ hờp, lơngăp lơngai, tềm pềr, nùs nhơm niam, gàr niam ờ lời cau lơi ờ geh Satềp, ai geh nùs nhơm niam chờ hờp mŭt tàm nam pa.

Mờ nùs nhơm “Satềp niam, lơh broă gờñ, mŭt lơh broă mơ”, dơ̆ pơrjum đơs uă tus mờ jơnau kờñ lơh ndrờm bal, geh cồng nha ală kơnòl broă, gùng dà broă lơh neh geh Dà lơgar, Quốk hội, Cíñ phủ ring bal; lơh pràn broă lơh sa kă bro, đơng lam broă lơh priă jền ring niam, lơh pràn broă bơcri priă dà lơgar, lơh niam gùng dà broă lơh, bơsong broă ờ tơl cau lơh broă, ai geh broă lơh broă sa kơl jăp làng bol in, lơh ngan geh gơguh lơh sa nam 2026 bơh 10% rơlao hờ đang. Thủ tướng đơs nền broă Satềp lơngăp lơngai tàm ală gah broă, rềs àr gùng lòt gơmù jơh tàm 3 gah broă geh ai, broă lơh sơnơm, mblàng yal geh uă tam gơl niam. Bè kơnòl broă nam 2026, Thủ tướng sồr tơrgùm kơl jăp broă lơh sa dờng, sền gròi khà priă niam, lơh pràn broă tam gơl sồ mờ tơlir, tơnguh uă cồng nha lơh sa, tơnguh rài kis Làng bol, gàr kơl jăp bơta lơngăp lơngai, ù tiah dà lơgar.