Thủ tướng đơs sùm, nam 2025, Cíñ phủ rơ̆p jàu broă jàu gơguh tai jơh ală tiah, ƀộ, gah geh gơrềng, ală mpồl lơh sa kă bro dà lơgar. Jăt Thủ tướng, dilah bè gơguh dàr dàr den ờ gơtùi lơh geh 2 jơnau kờñ bơtàu tơngguh 100 nam. Kờñ bè hơ̆, nam 2025 pal lơh geh gơguh êt ngan là bơh 8% GDP nàng lơh geh bơnàng jă, lơh geh bơta pràn, lơh geh nùs nhơm rơcăng lài ai ală nam pơn jăt tai in lơh jăt gơguh 2 nơm khà mờ bơta do kờñ ngan bơta tă pơgồp bơh mpồl bơtiàn mpồl lơh sa kă bro dê, is ồn là ală mpồl lơh sa kă bro dờng.

Thủ tướng ồng Phạm Minh Chính sồr ală mpồl lơh sa kă bro sền gơtùi lơh geh bơta lơi den cih măt lơh mờ dan gùng dà broă lơh nàng lơh, mìng là bañ kơlôi kwơ is să tờm, rơcăng dră sa kwề sa kwà, ờ niam. Thủ tướng Cíñ phủ kơ̆p kờñ đơng lam bồ ală mpồl lơh sa kă bro bơh mùl màl, mờng chài, cồng nha lơh geh, mờ bơta hàm kờñ, jơh nùs jơh tồr, nùs nhơm tă pơgồp dà kơlhề, khin cha tă pơgồp jơnau đơs bal mờ nùs nhơm jơh nùs, song dơ pă, jơh ală tài bơta bơtàu tơngguh bơh dà lơgar, tài bơta hờm ram gơboh gơbài bơh làng bol dê.