Đơs pơn dŭt Pơrjum, Thủ tướng Cíñ phủ ồng Phạm Minh Chính đơs nền: Tiah Đah tô măt tơngai mŭt bal mờ tiah rềp bal là ù tiah kwơ màng jŏ jòng bè cíñ trị, lơh sa mpồl bơtiàn, sền gàr dà lơgar, lơngăp lơngai, là “mpồng mŭt” tiah đah Tô dà lơgar dê mờ pơgồp bal mờ broă bơ̆t bơtàu, sền gàr gơnoar tờm ù tiah Dà lơgar.

Thủ tướng Cíñ phủ đơs sùm, ală mpồl, ƀộ, gah lơh broă, ală càr tơrgùm lơh geh cồng nha broă jơi bơtiàn; jăt yàng; lơh ală broă bơtàu tơnguh lơh sa, niam chài, mpồl bơtiàn, ai geh broă lơh, lơh pràn nùs nhơm niam, bồ tơngoh lơh geh is, lơh pràn is bơh làng bol dê tàm broă bơtàu tơnguh lơh sa mpồl bơtiàn mờ prăp gàr, ngui niam ală bơta kwơ niam bơnĕ bơh bơta niam chài, nùs nhơm pin dờn ờs mờng, pơgồp bal tàm broă tơnguh uă rài kis phan bơna, nùs nhơm bơh làng bol ală jơi bơtiàn kis tàm tiah do dê. Thủ tướng Cíñ phủ sồr ală ƀộ, gah lơh broă, ală càr tơrgùm lơh tàm 5 mpồl kơnòl broă tờm, lơh geh sùm, tàm hơ̆ pal pơgồp bal nền nòn đah bơtàu tơnguh lơh sa mpồl bơtiàn mờ broă sền gàr niam dà lơgar, lơngăp lơngai tàm tiah đah Tô măt tơngai mŭt mờ tiah rềp bal.