Đơs tàm pơrjum, Thủ tướng ồng Phạm Minh Chính đơs sùm: Tàm bơta rài lơh sa lơgar Việt Nam gam ờ hềt pràn ngan, bơta pờ uă, gam tam gơl mờ kong gơrềng pràn bơh ală bơta gơ tam gơl đah bơdìh dê, broă sền swì broă pal gơ in dipal ngan nàng ai geh broă lơh bơsong dipal. Jăt Thủ tướng, sơlơ kal ke den sơlơ kờñ nùs nhơm pơnđơl pràn is, kơnờm tàm bơta pràn is, tam gơl pa bơceh lơh mờ bơta kơ̆ nùs brồ guh. Thủ tướng sồr ală ƀộ gah, tập đoàn, kông ty dờng dà lơgar dê pal tus bal pràn kơldang tàm ală broă lơh tam gơl sồ, bơtàu tơngguh phan bơna sồ mờ lơh gơlik phan bơna sồ is.

Mơkung pal gàr niam lơngăp lơngai jơnau yal tơnggĭt, lơngăp lơngai internet dà lơgar. Bè cau lơh broă, pal bơ̆t bơtàu mpồl “cau viên cưk sồ”, lơh gơrề srơh “Jơh gùt làng bol bơsram sồ” nàng ai tơl bơta lơh gơs “làng bol sồ”.