Đơs tàm pơrjum, Thủ tướng ồng Phạm Minh Chính đơs loh: Dunia tam gơl mhar, ờ git lài, geh uă bơta kal ke, gơkòl.

Gơwèt mờ lơgar Việt Nam, broă ngui dia tus 46% rơ̆p gơrềng loh làng ngan tus mờ broă tăc phan mờ lơgar bơdìh, gơrềng tơn tus mờ khà uă cau lơh broă, mpồl lơh sa kă bro dê. Tơnơ̆ mờ tŭ iăt jơnau đơs bơh Kwang lam bồ anih lơh broă ala măt lơgar Việt Nam tàm lơgar bơdìh, Thủ tướng đơs là: ală jơnau rơcang lài bal mờ gùng dà broă lơh nàng rơcang lài bơh ală lơgar dê gơwèt mờ broă tă dia pa, tàm hơ̆ is ồn ngan là dia blơi phan bơh lơgar bơdìh, uă bơta mờ krơi is, gơjăt tàm khà gơrềng gơwèt mờ gah lơh sa. Thủ tướng sồr Kwang atbồ Anih ala măt lơgar Việt Nam tàm ală lơgar tàm tơngai tus pal rơcang yal bè gùng dà broă lơh, ală broă lơh nàng rơcang lài ờ jŏ tơngai mờ gơdờp bal jŏ tơngai bơh ală lơgar dê gơwèt mờ broă lơgar Mỹ tơnguh dia.