Jăt jơnau yal bơh Ƀộ Yau tơnggĭt mờ mblàng yal jơnau tàm nam 2024, tam gơl sồ dà lơgar, ngan là lam lơh Ală jơnau neh lơh nền sồ 06 pơn jăt tai lơh geh uă broă gơguh uă, kwơmàng, pơnrơ là: broă lơh sồr lơh, đơng lam lơh jăt geh mờng chài rlau, rơndăp tăp sèng, jak chài rlau; broă lam lơh jăt geh lam lơh kràñ cê jơh nùs rlau, ndrờm bal mờ jơh nùs lơh ngan uă bơh Dà lơgar tus ƀòn lơgar. Đơs sùm kơnòl broă tơngai tus là kơn jơ̆ ngan gĭt lơh, Thủ tướng sồr  pal “tơngguh mhar mờ tam gơl pràn”.

Thủ tướng neh jàu kơnòl broă loh làng ai ală ƀộ gah ƀòn lơgar in, tàm hơ̆ đơs sùm jơnau sồr, ală ƀộ, ală gah, ală tiah mhar lơh mờ ai lơh jăt Broă rơndăp lơh lơh jăt Broă lơh lơh broă bơh Cíñ phủ dê lơh jăt Jơnau lơh nền tàm pơrjum sồ 57 bơh Dà lơgar dê; mơkung lơh ală broă jàu sền swì; ờs mờng jăt tơngai sền swì tàm pơndrờm, yal ờ ndơ̆p mpồn cồng nha; sền swì khà lơh sir kơnòl broă jăt tàm cồng nha lơh jăt. Broă rơndăp lơh lơh jăt pal ngan ngồn, bañ lơh đah bơdìh lơm. Pơnđơl tus jơh nam 2025 geh 80% drơng broă dà lơgar lơh tơn tàm internet jơh ală broă, 40% khà kờp làng bol neh dờng ngui drơng broă dà lơgar lơh tơn tàm internet, 100% sră nggal bosong sră nggal gơnoar ătbồ geh crăp sơnđan măt să tờm.