Tàm nùs nhơm yŭ rơyùm, ngoh rơngăc, Thủ tướng mờ ală kwang bàng tàm mpồl neh lời dùl phuk kun bồ kah kơlôi dà kơl hề dờng màng mờ bơta tă pơgồp jơh rài kis bơh ồng Khamtay Siphandone dê ai broă lơh kăc màng Lào, kung bè ai bơta gĭt gơ̆p lơh bơyô bal is ồn đah Việt Nam mờ Lào.

Cih tàm sră ies ƀồc, Thủ tướng ồng Phạm Minh Chính tơngŏ bơta pơlai soh uă ngan tềng đăp bơta sang rài bơh dùl nă kwang bàng kăc màng jơh nùs jơh tồr, cau bơyô dờng mờ là oh mi jơh nùs ngan bơh làng bol Việt Nam dê. Thủ tướng jờng rơ uă ngan ală tă pơgồp dờng màng bơh ồng  Khamtay Siphandone tàm broă bơt bơtàu mờ bơtơl tai bơta gĭt gơ̆p lơh bơyô dờng màng, tam klăc bal is ồn, lơh broă bal tơl làm đah 2 lơgar Việt Nam mờ Lào. Thủ tướng pà gĭt, nàng kah kơlôi ồng Khamtay Siphandone, Đảng, Dà lơgar Việt Nam neh lơh nền bơyai lơh Dà lơgar ies ƀồc tàm 2 ngai bơh ngai 4 tus ngai 5/04. Ồng pơyoa jơnau tam pà bal muăt jrùm uă ngan tus mờ Đảng, Dà lơgar, làng bol lơgar Lào mờ hìu bơnhă ồng dê.