Thủ tướng đơs là, Anih priă jền là gùng tờm bơh rài lơh sa dê, gùng tờm mờ ờ geh den broă lơh priă tăc blơi ờ niam, broă lơh priă tăc blơi ờ niam den rơ̆p gơrềng tus kơ̆ kơl jăp lơh sa dờng, gơrềng tus gơguh lơh sa. Nam 2025 là nam geh gơtha is ồn kwơ màng, là nam tơnguh mhar, pal pơnđơl pràn lơh ngan gơguh GDP lơh geh ết ngan rlau jơh 8%.

Thủ tướng sồr pal pơn jat tai sơlơ tơnguh tai ală bơta gơn kơnờm gơguh ờs mờng là tăc phan mờ lơgar  ndai, ngui sa mờ bơcri priă, sồr ală anih lơh broă tơrgùm kơlôi sơnơng tai ală bơnah càn priă ai càn gơwèt mờ ală cau kơnòm să gam kờñ geh hìu ơm. Mờ gùng dà broă lơh: Priă jền sơnđờm bơh bồ tơngoh kơlôi sơnơng mờ sền sơnơng, gơn kơnờm sơnđờm bơh bơta tam gơl pa mờ bơceh lơh, bơta pràn sơnđờm geh bơh làng bol mờ mpồl lơh sa kă bro, Thủ tướng sồr ai bơta pràn bơh Anih priă jền nàng lơh jat, ngui niam bơta ƀuơn, bơta pràn krơi is, tŭ tơngai mpờl gŏ ngan, bơta ƀuơn tàm pơrlòng, lơh geh bơta gơn kơnờm, bơta lam lài pràn pa tàm bơtàu tơnguh Dà lơgar dê.