Tàm rơndăp broă lơh gơl gùng jat kềng gah dà lềng Dung Quất - Sa Huỳnh gơl lòt gan càr Quảng Ngãi, Thủ tướng ồng Phạm Minh Chính neh lòt còp làng bol tàm do, pà phan ai cau lơh phan mut lơh broă tàm tiah lơh broă in, mơkung iăt jơnau yal bè tŭ tơngai lơh rơndăp broă lơh. Jat jơnau yal, Rơndăp broă lơh gơl gùng jat kềng gah dà lềng Dung Quất - Sa Huỳnh kờp jơh bơta jòng bơh gơl gùng dê pơgăp 125 kơi sồ, tiah bơh chờm tàm tơrbŏ mờ tiah dŭt ndơl bơh gơl gùng jat kềng gah dà lềng bơh càr Quảng Ngãi dê (gơl gùng tềng đăp blàng rơndeh par Chu Lai) mờ tiah dŭt ndơl tàm tơrbŏ mờ gơl gùng jat kềng gah dà lềng bơh càr Bình Định dê tàm kơi sồ 125+645.

Pơn jat hơ̆ Thủ tướng neh tus lòt sền mờ pà phan ai cau lơh phan in mờ iăt jơnau yal tŭ tơngai lơh rơndăp broă lơh bơcri priă lơh broă lơh gùng rơndeh lòt mhar đah Tô- đah Jum, gơl lòt gan Quảng Ngãi - Hoài Nhơn. Lài hơ̆, Thủ tướng ồng Phạm Minh Chính lòt sền broă lơh tơn jơh hìu lơh ing, hìu sèt ñhăt dà mìu tàm kơnhoàl Mộ Đức, càr Quảng Ngãi, còp hìu bơnhă ồng Trần Trung Kiên tàm sàh Đức Chánh.