Đơs tàm pơrjum, Thủ tướng ồng Phạm Minh Chính sồr ai lài ai priă jền nàng dong kờl lơh hìu ơm ai cau geh màng mờ Dà lơgar mờ cau pròc mhàm cau ling chơ̆t màng in. Sồr ală tiah kờp sền, pal lơh sir jơh hìu ai cau pròc mhàm mờ cau ling chơ̆t màng mờ hìu bơnhă cau ling chơ̆t màng in lài mờ ngai 27/07 mờ lơh sir jơh hìu ai cau geh màng mờ Dà lơgar in lài mờ ngai 2/09.

Thủ tướng đơs sùm pal jơh nùs ờ gŏ lời làng bol lơi pal ơm tàm hìu lơh ing, hìu ồm sèt ñhăt dà mìu. Mìng bơcri lơh, ờ bơcri ơm ing. Sền bal lơh sir jơnau kờñ tơn jơh hìu lơh ing, hìu ồm sèt ñhăt dà mìu tàm làm gùt lơgar lài mờ ngai 31/10 nam do, nàng kờñ lơh ngan ngồn gờm chờ Pơrjum dờng Đảng ală kấp, lơh tus Pơrjum dờng dơ̆ 14 bơh Đảng dê.