Thủ tướng ồng Phạm Minh Chính sồr ADB dong kờl Việt Nam lơh jat ală rơndăp broă lơg phan bơna bơt bơtàu dờng ngan
Thứ năm, 13:28, 17/04/2025
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Mang òr (16/04), Thủ tướng ồng Phạm Minh Chính neh wă ồng Scott Morris, Phó Củ tịc Anih Priă jền Bơtàu tơnguh câu Á (ADB) gam còp lơgar Việt Nam.
Thủ tướng jờng rơ uă ngan tă pơgồp bơh ADB dê gơwèt mờ bơta bơtàu tơnguh lơh sa- mpồl bơtiàn bơh Việt Nam dê tàm rlau 30 nam do, is ồn là bơta lơh broă bal tàm ală rơndăp broă lơh bè Jơnau kĭ hơ bơt bơtàu phan bơna bơt bơtàu gơ dờp mờ tam gơl nhơm trồ tiah tàm Quảng Trị mờ Phú Yên.
Việt Nam gam lơh jat 3 tam gơl pràn kwơ màng, tàm hơ̆ geh phan bơna bơt bơtàu gùng lòt rê mờ năng lượng. Thủ tướng sồr ADB pơn jat tai dong kờl ai ală rơndăp broă lơh dờng, geh bal gùng rơndeh lòt mhar Đah Tô- Đah Jum ală rơndăp broă lơh năng lượng lơh gơlik wơl, mờ phan bơna bơt bơtàu gah bơto bơtê, gah lơh sơnơm, jak chài, măi mok.
Viết bình luận