Jat jơnau yal tàm pơrjum, nhai 4, rài lơh sa pơn jat tai khà gơguh, lơh sa dờng sền bal kơ̆ kơl jăp, roh giă priă geh sŏk sền, ală tàm pơnring dờng geh gàr  niam, uă broă jàu, sơñio khà niam rlau pơndrờm mờ nhai lài mờ dùl tŭ bal mờ nam lài. Lơh sa mờ măi mok gơguh mờr 9%; kờp jơh khà tăc rah rài phan bơna mờ priă lơh geh drơng broă ngui sa gơguh rlau 10%...

Tàm dar pơrjum, Thủ tướng Cíñ phủ ồng Phạm Minh Chính đơs sùm nùs nhơm kơ̆ dơn jơh nùs, dồ nùs dồ tồr mờ rcang lài, ngăc ngar, bơceh lơh tàm đơng lam, sồr lơh, đơng lam nàng lơh jat tus geh ală jơnau kờñ dờng, geh bơta kwơ màng- hơ̆ là sơlơ tơnguh gơguh lơh sa, sŏk sền roh giă priă, kơ̆ kơl jăp lơh sa dờng, gàr tơl niam rài kis mpồl bơtiàn... Bè ală kơnòl broă, broă lơh tờm tàm tơngai tus, Thủ tướng sồr rcang lài nền nòn, drơng broă niam ngan ai pơrjum dơ̆ 9 bơh Quôk hội dê. Thủ tướng kung sồr pơn jat tai lơh sir kơrnoat boh lam, tơrmù di pal, rơndăp tăp sèng wơl mpồl lơh broă, lơh pràn tam gơl niam sră nggal gơnoar atbồ, tam gơl sồ. Ồng sồr ală ƀộ, gah broă, ală tiah tàm nam 2025 tơrmù ết ngan rlau jơh 30% tơngai bơsong sră nggal gơnoar atbồ; lời tĕ ết ngan rlau jơh 30% ală bơta kă bro...