Thủ tướng neh ơm rlô jơng tàm 4 anih lơh bàr rơndăp broă lơh do, pơndờm pơnđiang, pà phan Sa tềp kwang bàng, cau lơh phan tàm tiah lơh broă bơ̆t bơtàu. Đơs nền wơl jơnau kờñ lơh sir 2 nơm gơl gùng rơndeh lòt mhar do tàm nam 2025 nàng pơgồp bơnah lơh soah jơh gùt gơl gùng rơndeh lòt mhar bơh Cao Bằng tus Cà Mau tàm nam do, Thủ tướng jờng rơ nùs nhơm, bơta rơcăng lơh broă jơh gùt ală ngai Sa tềp tàm tiah lơh broă bơ̆t bơtàu 2 rơndăp broă lơh.

Thủ tướng đơs niam ngan mờ sồr cau tờm bơcri priă, ală cau tờm lơh pal pơn jăt tai lơh ngan, pơnđơl, sơrlèt is să tờm nàng tơngguh mhar, tam gơl pràn; ai tai cau lơh broă, măy mŏk, lơh broă; sơlơ ngui bơta jak chài măy mŏk, tam gơl pa bơceh lơh; gàr niam lơngăp lơngai tàm tiah lơh broă bơ̆t bơtàu; lơh broă di tơngai mờ pơnđơl sơrlèt tơngai lơh gơlòt jăt bal mờ tơngguh uă bơta niam rơndăp broă lơh.