Bàr nă kwang đơng lam bồ đơs niam ngan cồng nha Dơ̆ pơrjum dơ̆ 47 Anih duh broă ală Cíñ phủ Việt Nam mờ Lào nàng kờñ lơh jăt ală jơnau ring bal bơh kwang đơng lam bồ kâp dờng dê, jơnau hơ pơrgon bơh Cíñ phủ bàr lơgar dê; dồ nùs ring bal pơgồp bal lam lơh jăt geh cồng nha ală broă lơh jăt sền bal, nàng pơgồp bơnah lam lơh jăt geh cồng nha ală Jơnau ring bal mờ Broă rơndăp lơh kâp dờng 2 lơgar dê đơs bal mờ Jơnau ring bal lơh broă bal đah bàr Quôk hội dê đơs is; pơgồp bal kơ̆ kơl jăp tàm lam lơh ală broă lơh kwơmàng bơh bàr lơgar dê; sơlơ tàm cribơyai bal, tam pà bal mờng chài tàm ală broă bàr gah sền gròi bal, ngan là tàm broă lơh sir gơs ală adăt boh lam, ală kơrnoăt boh lam mờ jăt sền dờng ngan rlau jơh broă lơh bơh ală anih lơh broă Dà lơgar dê…

Kung tàm ngai 10/01 sơl, Thủ tướng Cíñ phủ ồng Phạm Minh Chính neh wă ồng Bun-thoong Chít-mạ-ni, Phó Củ tịc lơgar Lào, Củ tịc Mpồl Lơh bơyô bal Dà lơgar Lào mờ Việt Nam mờ Phó Củ tịc Mặt trận dà lơgar Lào bơ̆t bơtàu dà lơgar.

Mang ngai 10/01, rơndeh par is pơndiang Thủ tướng ồng Phạm Minh Chính rê bơh càr lơgar Vientiane, lơgar Lào, tơn jơh niam bơnĕ dơ̆ lòt lơh broă còp lơgar Lào mờ đơng lam bal dơ̆ pơrjum dơ̆ 47 Anih duh broă ală Cíñ phủ Việt Nam mờ Lào.