Jat jơnau yal, nam 2024, gah Cribơyai broă mờ lơgar ndai neh lơh geh uă cồng nha kwơ màng pơn rơ ngan, pơgồp bơnah gàr kơ̆ tiah ơm lơngăp lơngai, kơ̆ kơl jăp mờ lơh broă bal ai bơtàu tơnguh; Pơn jat tai bơt bơtàu tơl làm lơh broă mờ lơgar ndai ƀuơn ngan, ai bơta gĭt gơ̆p mờ ală lơgar lơh broă bal mut lơh broă jrô ơnàng làm uă, mut lơh broă ngan ngồn mờ geh cồng nha.

Thủ tướng ồng Phạm Minh Chính dờp, jờng rơ mờ gờm chờ Ƀộ Cribơyai broă mờ lơgar ndai mờ ală Anih lơh  broă ala mat lơgar Việt Nam tàm lơgar ndai neh pơgồp bal niam mờ ală ƀộ, gah broă, ală tiah, mpồl lơh sa kă bro lam lơh jơh nùs, di tŭ, geh cồng nha ală kơnòl broă lơh broă mờ lơgar ndai, pơgồp bơnah tàm cồng nha lơh geh bal bơh jơh gùt lơgar nam 2024 dê. Thủ tướng sồr jơh gùt gah broă Cribơyai broă mờ lơgar ndai pơn jat tai sơlơ tơnguh tai pơgồp bal, lam lơh dồ ròt bal, bơceh lơh, geh cồng nha ală broă lơh lơh broă mờ lơgar ndai đah Đảng, cribơyai broă mờ lơgar ndai Dà lơgar mờ lơh broă mờ lơgar ndai Làng bol dê, lơh broă mờ lơgar ndai bơh ală kấp; bơt bơtàu rài cribơyai broă mờ lơgar ndai tơngai pa mờ ờs mờng; bơt bơtàu Đảng sàng goh, kơ̆ kơljăp; yờ tơnguh uă bơta pràn jak đơng lam mờ bơta pràn tam dră wơl bơh ală mpồl Đảng, đảng viên tàm gah Cribơyai broă mờ lơgar ndai dê.