Thủ tướng ồng Phạm Minh Chính wă rò mờ pơrjum bơyai mờ Thủ tướng Ethiopia
Thứ tư, 14:23, 16/04/2025
Cau mblàng: K'Duẩn/VOV
Cau mblàng: K'Duẩn/VOV
VOV4.K'Ho - Dờp jơnau jà bơh Thủ tướng Cíñ phủ lơgar he ồng Phạm Minh Chính dê, Thủ tướng lơgar Ethiopia ồng Abiy Ahmed Ali còp ngan ngồn lơgar Việt Nam mờ tus bal Pơrjum kâp dờng Cribơyai lơh broă bal tài Bơtàu tơnguh tơlir mờ Jơnau kờñ gùt plai ù (P4G) dơ̆ 4 bơh ngai 14 tus ngai 17 nhai 4.
Mho ngai 15/4, tàm Hìu lơh broă Củ tịc, Thủ tướng ồng Phạm Minh Chính neh đơng lam dơ̆ wă rò ngan ngồn Thủ tướng Ethiopia ồng Abiy Ahmed Ali.
Tơnơ̆ dơ̆ wă rò, 2 gah neh lam lơh pơrjum bơyai. Tàm ală nam rềp ndo, priă lơh geh bơh kă bro đah Việt Nam mờ Ethiopia geh rlau 10 tơlak dolar Mỹ pah nam. Nam 2024, priă lơh geh bơh kă bro đah 2 lơgar geh rlau 13 tơlak dolar Mỹ, tàm hơ̆ tac phan hờ lơgar ndai bơh Việt Nam geh rlau 7 tơlak dolar Mỹ mờ blơi phan bơh lơgar ndai geh rlau 6 tơlak dolar Mỹ. Việt Nam mờ Ethiopia sùm tàm dong kờl gơp tàm ală mpồl, ală dơ̆ cribơyai uă lơgar. Ethiopia neh ngan ngồn dờp Việt Nam là rài lơh sa drà kă bro tàm nam 2014.
Viết bình luận