Đơs tàm dơ̆ lơh broă, Thủ tướng ồng Phạm Minh Chính đơs là, ală rơndăp broă lơh gam gơkòl kung uă sơl mờ gơ dŏ jòng uă nam do, tàm bơta tam gơl jơnau kờñ gơboh pơnđơl rlau 8% tàm nam do mờ 2 nơm khà tàm ală nam pơn jăt tai, den gơ sồr jơh nùs uă ngan, lơh ngan uă ngan, tàm hơ̆ geh bơsong jơh ală rơndăp broă lơh gam gơkòl, ờ pràn jak.

Thủ tướng đơs là, Ƀộ Priă jền neh cih măt, săc rwah rlau 1 rbô 500 ală rơndăp broă lơh kal ke, gơkòl, bulah bè hơ̆, bơta niam jơnau yal ờ gŏ ndrờm bal. Thủ tướng sồr nùs nhơm bơsong gơkòl mờ jơh nùs uă ngan, lơh ngan uă ngan, lơh broă kràñ cê jơh nùs, geh  di broă, di anih. Pơn jăt tai kờp sền nền wơl, geh gùng dà, broă lơh bơsong lài bàr pe broă tàm hơ̆ geh ai lài săc rwah mpồl ală rơndăp broă lơh bơcri priă dà lơgar, rơndăp broă lơh bơcri priă jăt broă lơh PPP (sră hơ pơrgon đah dà lơgar mờ mpồl lơh sa kă bro nàng lam lơh rơndăp broă lơh).