Jơnau lơh nền tàm pơrjum sồ 68 ai jơnau kờñ tus nam 2030 mờ sền sơnơng tus nam 2045 ai lơh sa làng bol dê lơh is bơtàu tơnguh mhar, pràn, kơ̆ kơl jăp jŏ jòng; rcang tus bal ală broă lơh sa, tăc phan gùt plai ù; geh bơta pràn tàm pơrlòng tàm tiah do mờ ală lơgar. Pơn đơl pràn lơh ngan tus nam 2045 geh ết ngan rlau jơh 3 tơlak mpồl lơh sa kă bro lơh broă, tă pơgồp rlau 60% GDP.

Đơs tàm pơrjum, Thủ tướng ồng Phạm Minh Chính đơs 8 mpồl kơnòl broă, broă lơh tơngŏ nùs nhơm tam gơl pa, tam gơl pràn, tam gơl pràn kơl dang. Tàm hơ̆, đơs sùm broă tam gơl bồ tơngoh kơlôi sơnơng, ring bal bơta gĭt wă mờ lơh broă, lơh kah wơl bơta kơ̆p kờñ jơi bơtiàn, lơh geh bơta gơn kơnờm bơtàu tơnguh lơh sa làng bol dê lơh is. Thủ tướng đơs nền do là jơnau sồr lài ngan, geh gơtha is ồn kwơ màng, sồr pal geh bơta ring bal bơh jơh gùt ală anih lơh broă cíñ trị, mpồl lơh sa kă bro mờ làng bol dê bè gơnoar, bơngă pin dờn bơh lơh sa làng bol dê lơh is tàm rài lơh sa.