Mpồl bơtiàn cau Việt Nam tàm lơgar Ba Lan tŭ do geh pơgăp 30 rbô nă, tă pơgồp uă ngan tàm broă prăp gàr mờ bơtàu tơngguh gĭt gơ̆p ờs mờng bơh yau, lơh bơyô, lơh broă bal uă bơta đah 2 lơgar. Di dơ̆ sơnam pa, ala măt kwang đơng lam bồ Đảng, Dà lơgar, Thủ tướng pơyua jơnau nting bơr chờ gờm niam bơnĕ ngan rlau jơh tus mpồl bơtiàn cau Việt Nam tàm lơgar Ba Lan.

Thủ tướng pà gĭt tàm dơ̆ lòt còp do, rơ̆p tus bal broă lơh Sơnam pa ƀòn tờm nting bơr chờ gờm Sa Tềp làng bol lơgar Việt Nam ơm kis tàm lơgar Ba Lan. Thủ tướng neh lời uă tŭ jiơ yal wơl ală tơnggume jơnau sồr, jơnau dan bơh làng bol dê; sồr Ƀộ Cribơyai broă mờ lơgar ndai, ală anih lơh broă geh gơrềng kờp sền nền ală jơnau cih gơrềng tus dà lơgar ơm kis; tơngguh tai broă bơto dà Yoan tàm hìu bơsram lơgar Ba Lan dê. Thủ tướng pà gĭt, tàm dơ̆ lòt còp, neh tàm lùp mờ Kwang ătbồ lơgar bal mờ Thủ tướng lơgar Ba Lan bè broă hòi jà dờp mpồl bơtiàn cau Việt Nam là jơi bơtiàn dồ êt nă cau, sồr làng bol lơgar Việt Nam ơm kis tàm lơgar do mờ Anih lơh broă ala măt jơh nùs tus bal hòi jà lơh broă do.