Tàm pơrjum, ală cau ala mat tơrgùm cribơyai bè  ngui bồ tơngoh kòn bơnus lơh gơlik (AI) tàm lơh sa ngăc ngar mờ lơh broă bal mờ Anih tờm C4IR (Anih tờm kăc màng lơh sa mờ măi mok 4.0 sơn rờp bơh lơgar Việt Nam dê), tàm pà mờng chài bơt bơtàu mờ bơtàu tơnguh lơh broă bal Anih tờm priă jền bơh cau lơh broă bal lơgar ndai dê, tŭ tơngai niam lơh broă bal bơtàu tơnguh bal mờ Anih tờm priă jền Ală lơgar ƀòn dờng Hồ Chí Minh.

Đơs tàm pơrjum, Thủ tướng ồng Phạm Minh Chính đơs là, pa do, broă Anih tờm Kăc màng Lơh sa mờ măi mok dơ̆ 4 tàm ƀòn dờng Hồ Chí Minh geh tơnggơs là di pal ngan mờ gùng dà broă lơh mờ pơgồp bơnah jơh nùs lam lơh Jơnau lơh nền tàm pơrjum sồ 57 bơh Ƀộ Cíñ trị dê bè bơtàu tơnguh tam gơl pràn jak chài măi mok, tam gơl pa bơceh lơh, tam gơl sồ. Thủ tướng sồr, ală cau ala mat, ală cau bơcri priă tàm dunia pơn jat tai tă pơgồp jơnau đơs nàng tă bơsong bè kơrnoat boh lam mờ broă lơh hòi jà tă pơgồp bal priă jền nàng bơtàu tơnguh tam gơl pràn jak chài măi mok, tam gơl pa bơceh lơh, tam gơl sồ.