Thủ tướng jờng rơ bơta dong kờl bơh JBIC dê tàm bơta chồl tơnguh bơta bơcri priă bơh lơgar Ñờk dê tàm lơgar Việt Nam, kuơmàng là bơnah priă càn rlau 800 tơlak dolar Mỹ ai rơndap broă lơh bơtàu tơnguh nhơm bă B (dùl bơtô nhơm geh is dờng ngan tàm lơgar Việt Nam ơm tàm tiah đah jum mat tơngai mut).

Thủ tướng sồr JBIC pơn jat tai dong kờl priă càn ai mpồl lơh sa kă bro lơgar Ñờk in lam lơh 15 rơndap broă lơh tam gơl tơlir tàm lơgar Việt Nam, geh priă bơcri rlau 20 tơmàn dolar Mỹ jat tơngume AZEC dê. Củ tịc JBIC đơs nền tŭ lơi kung rơcang dong kờl priă jền, lòt bal mờ Việt Nam tàm bơtàu tơnguh phan bơna, tiah drà gơ jat bal mờ gùng lòt mpồl bơtiàn mờ tam gơl tơlir. Mờ bơta git gơp niam bơnĕ đah 2 lơgar mờ jơnau hơ pơrgon kràñ ngan bơh kwang đơng lam bồ kâp dờng dê, JBIC kơp kờñ pơn jat tai lơh broă bal jŏ jòng, geh cồng nha mờ Việt Nam tàm uă gah.