Dăk Lăk kung kong mờ khà kờp làng bol ngai sơlơ kra. Do là tơngume geh đơs tàm tìp măt bơyai jak chài tơnggume Jơnau geh ngan broă lơh dong kờl khà kờp làng bol gơrềng tus cau ùr mờ pà gĭt broă lơh bơsong bơh Mpồl Tam klăc cau ùr dà lơgar Việt Nam dê bơyai lơh drim ngai 22/04 tàm Dăk Lăk. Tàm dơ̆ tìp măt bơyai, ală cau ala măt tơrgùm cribơyai, lơh loh ală gơrềng bơh ală broă lơh dong kờl khà kờp làng bol dê gơrềng tus cau ùr, gơnoar broă cau ùr, ơruh pơnu dê tàm lơh jăt broă lơh dong kờl khà kờp làng bol. Sền swì cồng nha ală broă lơh dong kờl gam geh lơh jăt tŭ do bơh ƀòn lơgar dê tàm bơsong ală broă khà kờp làng bol, is ồn là gơrềng tus cau ùr. Bơh hơ̆ dan, sồr ală broă lơh bơsong gơrềng tus gàr khà deh dipal, gròi sền ùr klau tŭ deh mờ tơnguh uă bơta niam khà kờp làng bol, sền gàr niam pràn kơldang cau dờng sơnam in.

Mò Đàm Thị Vân Thoa, Lam bồ Mpồl Broă lơh dong kờl- Adăt boh lam, Mpồl Tam klăc Cau ùr dà lơgar Việt Nam pà gĭt: ală tơngume geh đơs tàm tìp măt bơyai rơ̆p là cơng tàng nàng pơn jăt tai lơh sir Ală jơnau neh lơh nền jak chài kâp ƀộ “Broă lơh dong kờl khà kờp làng bol mờ bơtàu tơngguh- Tơnggume đơs tus broă lơh dong kờl gơrềng tus cau ùr” bơh Mpồl Tam klăc Cau ùr Việt Nam dê drơng lơh.