Tơmŭt bal Mpồl Mblàng yal mờ Bơto bơtê bal mờ Mpồl Hòi jà làng bol Tỉñ ủy càr Lâm Đồng
Thứ bảy, 05:00, 18/01/2025
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Drim ngai 17/01, Tỉñ ủy càr Lâm Đồng neh bơyai lơh pơrjum yal Jơnau lơh nền tơmŭt bal Mpồl Mblàng yal mờ Bơto bơtê bal mờ Mpồl Hòi jà làng bol Tỉñ ủy càr. Do là mpồl geh tơmŭt bal, tơrmù dipal bơh sơnrờp geh yal bơh càr Lâm Đồng dê.
Tơnơ̆ tŭ tơmŭt bal Mpồl Mblàng yal mờ Bơto bơtê Tỉñ ủy càr mờ Mpồl Hòi jà làng bol Tỉñ ủy càr, rơndăp mpồl lơh broă bơh Mpồl Mblàng yal mờ Bơto bơtê mờ Hòi jà làng bol Tỉñ ủy càr Lâm Đồng dê geh 5 mpồl lơh broă kâp cơldŭ gơ wèt bal, geh dồ cơldŭ lơh broă mờ 4 cơldŭ broă ờs mờng kơnòl broă, bal mờ kờp jơh 31 nă cau. Tàm hơ̆, geh dồ nă cau lam bồ mpồl, 3 nă phó lam bồ mpồl, 5 cơldŭ broă lơh ờs mờng.
Ồng Tôn Thiện Đồng, Kwang bàng Mpồl Lơh kơnòl broă sùm Tỉñ ủy càr, Ƀí thư Thàñ ủy ƀòn dờng Bảo Lộc geh ntrờn mờ pồ ăt gơnoar broă Lam bồ Mpồl Mblàng yal mờ bơto bơtê mờ Hòi jà làng bol Tỉñ ủy càr Lâm Đồng; ală ồng Huỳnh Minh Hải, Lê Minh Quang mờ mò Nguyễn Thị Mỵ ăt gơnoar broă Phó Lam bồ Mpồl.
Viết bình luận