Tổng Ƀí thư ồng Nguyễn Phú Trọng là cau đơng lam bồ is ồn jak chài ngan bơh Đảng, Dà lơgar mờ làng bol he, cau geh wil tơl nùs nhơm niam, bơta jak, bơta kơ̆ nùs, bồ tơnggoh jak bơh rơnàng kwang đơng lam bồ Việt Nam rài tam gơl pa dê. Tàm jơh dồ rài kis lơh broă kăc màng he dê, broă lơh bơ̆t bơtàu, lơh niam wơl Đảng mờ ală anih lơh broă cíñ trị geh anih is ồn kwơmàng gơ wèt ƀồc Tổng Ƀí thư ồng Nguyễn Phú Trọng.

Ƀồc Tổng Ƀí thư ồng Nguyễn Phú Trọng neh bal mờ Mpồl Duh broă Đảng Dà lơgar rơndăp gùng dà mờ đơng lam lơh jăt geh cồng nha ală gùng dà broă lơh bè bơ̆t bơtàu, lơh niam wơl Đảng; kràñ cê kơ̆ nùs, kơ̆ dơn dră wơl nùs nhơm nă să is, kơryan bơta gơplơ̆ gơhŭc bè bồ tơngoh, nùs nhơm, rài kis, dră wơl sa kwề sa kwà, ờ niam tàm Đảng. Do là dơ̆ tam lơh mờ “cau sò tơm tàm lơgar” bòl glar kal ke ngan lơh ai Đảng he in ngai sơlơ sàng goh, pràn kơnhăp, đơs nền gơnoar broă lam lài, kơ̆ nùs, bồ tơnggoh jak, nàng Đảng he mùl màl “là nùs nhơm, là jak chài”.