Tổng Ƀí thư ồng Tô Lâm jờng rơ Mpồl ling dờng di mơ phàu ồs 490 tơngai lài neh sùm lơh niam broă lơh bơto bơtê cíñ trị bồ tơngoh, bơ̆t bơtàu nùs nhơm tam klăc, ring bal uă, tơnguh uă gĭt wă bè kơnòl broă, kơnòl mờ jơh nùs lơh ngan ai kwang bàng, cau ling Mpồl ling dờng di mơ in. Nàng lơh gơs niam kơnòl broă geh jàu tàm tŭ tơngai pa, Tổng Ƀí thư sồr, Mpồl ling dờng di mơ pal pơn jăt tai bơsram mờ kơlôi sơnơng jrô Jơnau lơh nền tàm pơrjum bơh Pơrjum dờng Đảng gùt lơgar dơ̆ XIII dê, Jơnau lơh nền tàm pơrjum bơh Pơrjum dờng Đảng ƀộ Ling klàng dơ̆ XI, ală jơnau lơh nền tàm pơrjum, jơnau sồr bơh Mpồl Duh broă Đảng Dà lơgar, Ƀộ Cíñ trị, Anih duh broă đơng lam Đảng Ling klàng Dà lơgar, Ƀộ Ling klàng nàng lơh jăt ngan ngồn mờ lơh jăt gơtùi tàm Ling Phào ồs mờ Mpồl ling dờng di mơ phàu ồs 490.

Di dơ̆ do, Tổng Ƀí thư kung sồr, pal sùm sền gròi bơ̆t bơtàu Đảng ƀộ Mpồl ling dờng di mơ lơh gơs niam mờ lơh gơs jak ngan kơnòl broă, lơh jăt niam broă bơsram mờ lơh jăt bồ tơngoh, nùs nhơm, broă lơh mờ rài kis Hồ Chí Minh, Dơ̆ hòi jà Đòm jăt bơhiàn, tă pơgồp dà kơlhề pràn jak, dipal măt sơnđan “Cau ling Wa Hồ” tơngai pa.