Tàm dơ̆ cri bơyai, Tổng Ƀí thư ồng Tô Lâm đơs tờm, lơgar Việt Nam sùm sền kwơ mờ ai lài ngan uă tus mờ bơta git gơ̆p mờ ală lơgar lơh bơyô ờs mờng, tàm hơ̆ geh lơgar Kazakhstan; ưn ngài lơgar Kazakhstan neh dong kờl lơgar Việt Nam tàm broă tam lơh tơnklàs jơi bơtiàn lài do kung bè tàm broă bơ̆t bơtàu mờ bơtàu tơnguh dà lơgar tŭ do.

Bàr kwang đơng lam đơs tờm broă crơng gơs mpồl git gơ̆p parơ̆p pơgồp bal nền nòn rơlao 5 tơrbŏ bal đah bàr lơgar tŭ do dê, tàm hơ̆ geh: Tơrbŏ kòn bơnus, tơrbŏ lơh sa, tơrbŏ dong kờl, tơrbŏ gùng lòt mờ tơrbŏ tiah. Bàr kwang đơng lam đơs niam ală bơta gơguh jăk niam tàm broă lơh bal lơh sa, kă bro phan mờ bơcri priă; ai tơngŏ bàr gah lơh sa geh uă bơta geh nàng bơtàu tơnguh rơlao tai; pin dờn là bơta git gơ̆p tam klăc bal jŏ jòng pa geh crơng gơs rơ̆p lơh geh bơta niam pa ai bơta git gơ̆p lơh sa đah bàr lơgar dê, ai khà priă kă bro phan gơguh rơlao bàr dơ̆ tàm tơngai tus.