Ƀí thư dơ̆ 1, Củ tịc lơgar Cuba jờng rơ uă ngan ală cồng nha lơh geh bơh Việt Nam dê, bơh bơta đơng lam bơh Đảng Kộng sản Việt Nam tàm broă bơt bơtàu mờ bơtàu tơnguh Dà lgar, sền hơ̆ là krơh niam ai srơh kăc màng, Kộng sản Ală lơgar; mơkung tơngŏ nùs nhơm sền dờng màng bơta tam klăc bal mờ bơta dong kờl bal jơh nùs jơh tồr bơh lơgar Việt Nam dê lời ai lơgar Cuba in tàm sùm ală nam pa do.

Tổng Ƀí thư ồng Tô Lâm đơs nền wơl nùs nhơm bơh lơgar Việt Nam dê kờñ ală Jơnau lơh nền tàm pơrjum bơh Pơrjum dờng Liên hợp quôk dê tàm broă sồr tơn jơh kơryan ờ ai dră wơl mờ lơgar Cuba. Wèt tus tơngkah kir sơnrai 65 nam lơh geh bơta gĭt gơ̆p cribơyai broă mờ lơgar ndai đah lơgar Việt Nam mờ Cuba (02/12/1960 - 02/12/2025), Kwang đơng lam bồ 2 Đảng, 2 Dà lơgar neh tam pà bè bơta tơl Đảng, tơl lơgar dê; đơs nền wơl bơta kwơ màng bơh bơta gĭt gơ̆p lơh bơyô bal is ồn đah Việt Nam mờ Cuba, sền hơ̆ là jơtài dờng màng đah 2 gah dê pal lơh ngan lơh kơ̆ kơl jăp mờ bơtàu tơnguh. Bàr gah ring bal sơlơ tơnguh tai lam lơh uă broă lơh lơh broă bal nàng kờñ sơlơ tơnguh tai bơta pin dờn cíñ trị; lam lơh geh cồng nha ală jơnau ring bal kấp dờng neh lơh geh tàm dơ̆ lòt còp kah yau bơh Tổng Ƀí thư, Củ tịc lơgar ồng Tô Lâm dê tus lơgar Cuba tàm nhai 9 nam 2024; jơh nùs bơyai lơh ală broă lơh tơngkah kir sơnrai yŭ rơyùm, tìp mat lơh kwèng làng bol tàm nam lơh bơyô bal Việt Nam mờ Cuba 2025.