Tàm nùs nhơm chờ hờp bàr jơi bơtiàn gam rơcang wă rò Satềp nam pa Ất Tỵ 2025, Tổng Ƀí thư ồng Tô Lâm đơs nền lơgar Việt Nam sùm sền broă bơtàu tơnguh bơta git gơ̆p mờ lơgar Lo là broă lơh lài ngan tàm lơh ală gùng dà broă lơh bal mờ lơgar ndai krơi is, lơh tờm, jơh uă bơta, uă gùng dà broă lơh.

Tổng Ƀí thư, Củ tịc lơgar Lo ồng Tập Cận Bình đơs Đảng Dà lơgar Lo ai lài broă bơtàu tơnguh bơta git gơ̆p mờ lơgar Việt Nam tàm broă Cri bơyai lơh broă bal mờ lơgar rềp bal. Di tàm dơ̆ do, Bàr kwang đơng lam bồ neh yal bơr mŭt lơh Nam tìp bal niam đah lơgar Việt Nam mờ lơgar Lo 2025; ring bal pơgồp bal bơyai lơh ală broă lơh tơnkah 75 nam crơng gơs bơta git gơ̆p cri bơyai broă mờ lơgar ndai mờ Nam tìp bal niam đah lơgar Việt Nam mờ lơgar Lo 2025; lơh pràn broă mblàng yal, bơto bơtê tàm ală làng bol, tàm hơ̆ uă ngan là rơnàng kơnòm să đah bàr lơgar dê bè bơta git gơ̆p lơh bơyô bal ờs mờng niam bơnĕ đah lơgar Việt Nam mờ lơgar Lo. Tổng Ƀí thư ồng Tô Lâm sồr bàr lơgar sồr ală gah lơh broă, ală kấp tus bal jòi ală gùng dà broă lơh lơh geh cồng nha nàng sền gròi mờ bơsong niam rơlao jơnau ờ ring bal, tơnguh broă lơh bal di pal mờ bơta git gơ̆p đah bàr lơgar dê tàm tơngu me Kơrnoăt pal jăt bơh Liên hợp quốk mờ adăt bơh lam ală lơgar dê, tàm hơ̆ geh Kơrnoăt hơ bal Liên hợp quốk bè Adăt dà lềng nam 1982 dê.