Jăt tàm bơta sền swì ală jơnau yal, sră yal mờ jơnau đơs bơh ală kwang bàng Mpồl dềt Broă kwang bàng dê, Tổng Ƀí thư ồng Tô Lâm đơs loh, Pơrjum dờng XIV geh gơtha kwơmàng gơcèng bơta tam gơl pràn, pờ gơlik dùl rài pa, “rài brồ să bơtàu tơngguh pas pràn, pas sơm bơh jơi bơtiàn dê”. Mblàng sền bơta, Tổng Ƀí thư geh jơnau sồr uă ngan tàm broă lơh rơcăng mờ tơngguh uă bơta niam ală sră nggal Pơrjum dờng XIV Đảng dê, tàm hơ̆ geh gùng dà lơh broă broă kwang bàng.

Tổng Ƀí thư đơs wih đơs wơl, jơnau kờñ dŭt ndơl là pal lơh gơ in tus geh jơh ală Mpồl Duh broă Đảng Dà lơgar, Ƀộ Cíñ trị, Mpồl Đơng lam Đảng Dà lơgar, ngan là ală oh mi đơng lam tờm ngan pal ngan ngồn pơnrơ jak bè bồ tơngoh nùs nhơm, pràn jak, bơngă pin dờn; bơta tam klăc, ring bal uă, tơrgùm bal pràn, dùl nùs bal, jơh nùs lơh ngan tam gơl pa bơceh lơh mờ lơh jăt niam kơnòl broă kwơmàng, gơnoar broă đơng lam Đảng dê gơ wèt mờ dà lơgar tàm rài pa; pơgồp bơnah cèng wơl hờm ram, chờ hờp ai Làng bol in.