Tổng Ƀí thư ồng Tô Lâm bal mờ uă oh mi đơng lam Đảng, Dà lơgar tus bal. 95 nam do, bơh bơta àng lam gùng Đảng mờ Wa Hồ pơnrơ dờng ngan dê, jơi bơtiàn Việt Nam kơnhăp jơng cơnđòa lòt sơrlèt tơl kal ke, lơh geh ală broă kah yau. Tàm rùp să bồ sơnam pa bềng lìu bơta pràn kis, nùs nhơm kòn bơnus sơlơ chờ chờr bal mờ bơta pin dờn lời jơh ai Đảng in tàm bơrlŭ bal mờ bơta kơ̆p kờñ ngan bè tơnơ̆ do àng sơrdah dà lơgar dê.

Tàm broă lơh, ală cau ala măt neh iăt sền ală jơnau đơs crih tam ya, jờng rơ Đảng Kộng sản Việt Nam pơnrơ dờng ngan, Củ tịc Hồ Chí Minh pơnrơ dờng ngan, jờng rơ ƀòn tờm, dà lơgar bè: “Dà lơgar” (jơnau nrĭ Tạ Hữu Yên, gùng đơs crih Phạm Minh Tuấn dê); “Rùp să ntàu Việt Nam”  (jơnau nrĭ Lê Anh Xuân, gùng đơs crih Nguyễn Chí Vũ); “Săp ntas gùng đơs crih Việt Nam” (Trần Tiến); “Đảng neh ai he in jơh dồ sơnam pa” (Phạm Tuyên); “Jờng rơ Hồ Chủ tịch” (Văn Cao); “Ồng là bơta pin dờn ngan ngồn rơ̆p geh pha” (Chu Minh). Mờ bơta jòng jơnau kah yau 95 nam đơng lam Đảng dê, bol he geh gơnoar pơñiờ să, pơn jăt tai kơ̆ nùs pin dờn jơh tàm bơta đơng lam Đảng dê nàng kơljăp jơng cơnđoà lòt guh mŭt tàm rài pa jơi bơtiàn dê.