Pơrjum geh tơrbŏ bal pờ tơlik tàm internet tus 21 rơbô anih pờ, mờ rơlao 1 tơlăk 500 rơbô nă kwang bàng, đảng viên tus bal.

Jơnau đơs đơng lam tàm pơrjum, Tổng Ƀí thư ồng Tô Lâm đơs tờm, Pơrjum Dà lơgar dơ̆ XI là broă lơh pràn kwơ màng tàm tơngai lơh broă kwơ màng pa, ai geh nùs nhơm pràn kơl dang pa ai broă tam gơl pa tơl ală bơta dà lơgar; pal ai broă lơh ngan cíñ trị uă ngan tàm broă đơng lam, sồr lơh jăt Jơnau lơh nền do. Pơrjum Dà lơgar dơ̆ XI ai do là dùl broă lơh kwơ màng bè broă rơndăp tăp sèng mpồl lơh broă sră nggal mờ lơh niam, tam gơl pa nàng bơtàu tơnguh dà lơgar; ală kấp ủy mpồl Đảng, cau lam bồ ală kấp pal lơh jăt nền nòn, lơh pràn tàm broă đơng lam, sồr lơh, lơh jăt nền ai mpồl kwang bàng, đảng viên in. Tổng Ƀí thư kung sồr, ală kấp ủy, mpồl đảng lơh jăt broă nền nòn, niam, di pal, bañ jal ir ha là ờ sền gròi, Ală broă pal ai bơta kwơ bal bơh dà lơgar dê, tài làng bol lài rơlao jơh.