Tổng Ƀí thư ồng Tô Lâm sơn đờm dơ̆ lòt còp kâp dà lơgar tus lơgar Azerbaijan
Thứ năm, 14:33, 08/05/2025
Cau mblàng: K'Duẩn/ VOV
Cau mblàng: K'Duẩn/ VOV
VOV4.K'Ho - Tơnơ̆ tŭ tơn jơh niam bơnĕ dơ̆ lòt còp kâp dà lơgar tus lơgar Kazakhstan, mho ngai 07/5 (jat jơ tiah do), Tổng Ƀí thư ồng Tô Lâm mờ pơ ùr bal mờ mpồl kwang bàng kâp dờng lơgar Việt Nam neh lòt còp kâp dà lơgar tus lơgar Azerbaijan jat jơnau jà bơh Kwang atbồ lơgar do ồng Ilham Aliyev dê.
Việt Nam mờ Azerbaijan lơh bơta git gơp cribơyai broă mờ lơgar ndai bơh nam 1992. Ală nam rềp ndo, lơh broă bal lơh sa – kă bro đah Việt Nam mờ Azerbaijan bơtàu tơnguh pràn. Việt Nam uă ngan tac tus lơgar Azerbaijan măi tíñ, điện thoại mờ phan crăp mòn, phan tàm dà, blơi zờu ờ hềt lơh gơlik phan mờ ală phan lơh bơh zờu bơh lơgar . Dơ̆ lòt còp dơ̆ do bơh Tổng Ƀí thư ồng Tô Lâm dê là dơ̆ lòt còp kâp dờng ngan rlau jơh bơh kwang đơng lam bồ Đảng mờ Dà lơgar Việt Nam dê tus Azerbaijan, rơp pơgồp bơnah sơlơ tơnguh tai bơta git gơp đah 2 lơgar, ngan là tàm ală broă mờ Azerbaijan geh bơta pràn, kuơmàng bè gah nhơm zờu mờ uă gah ndai.
Viết bình luận