Tổng Ƀí thư ồng Tô Lâm sơnđờm ală broă lơh còp kâp Dà lơgar Kazakhstan
Thứ ba, 10:37, 06/05/2025
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Mho ngai 05/05, jăt jiơ ƀòn lơgar dê, Tổng Ƀí thư ồng Tô Lâm mờ Pơ ùr bal mờ mpồl Cau ala măt Kâp dờng lơgar he neh tus lơgar Kộng hoà Kazakhstan, sơnđờm ală broă lơh kâp dà lơgar jăt jơnau jà bơh Kwang ătbồ lơgar Kộng hoà Kazakhstan ồng Kassym- Jormat Tokayev dê.
Geh lơh di dơ̆ tơngkah kir sơnrai 33 nam ngai lơh gĭt gơ̆p cribơyai broă mờ lơgar ndai, dơ̆ lòt còp rơ̆p lơh tềl tŭ tơngai pa tàm gĭt gơ̆p 2 gah. Bàr lơgar neh lơh geh uă broă lơh geh kwơmàng, pơnrơ kă bro phan 2 gah gơguh pràn bal mờ priă lơh geh nam 2024 geh mờr 1 tơmàn dolar Mỹ, là khà jơnhoa ngan rlau jơh bơh lài tus tŭ do. Broă lơh bơcri priă geh lơh duh hồl bơh jơh bal 2 đah dê. Tŭ do, 2 lơgar kung gam hòi jà lơh broă bal tàm broă tăc mờ lơgar ndai măy mŏk sền gàr dà lơgar.
Bal mờ bơta pràn pờ ơnàng, dơ̆ lòt còp bơh Tổng Ƀí thư ồng Tô Lâm dê geh kơ̆p gơn rơ̆p ai tơl bơta nàng đơng lam ală kâp 2 lơgar in tam tìp, cribơyai mờ rề ơnàng lơh broă bal tàm ală broă kwơmàng mờ 2 lơgar gơtùi tàm dong kờl bal ai gơ̆p in.
Viết bình luận