Tổng Ƀí thư ồng Tô Lâm sồr, Đảng ủy Cíñ phủ sồr mhar lơh sir kờp sền jơh jơtài phan bơna Dà lơgar bơh ală anih lơh broă, mpồl lơh broă, ală ƀòn lơgar tàm jơh gùt lơgar dê nàng geh broă lơh atbồ, ai, ngui rơndăp tăp sèng, tơrmù di pal mpồl lơh broă mờ mpồl lơh broă sră nggal gơnoar atbồ ală kấp, gàr niam geh cồng nha, ờ lơh hoàc huơr, pơhì pơhà.

Lơh sir bơsong tơn tàm nam 2025 gơwèt mờ ală anih lơh broă hìu đam Dà lơgar ờ ngui, ngui ờ geh cồng nha. Nùs nhơm là pal lơh geh bơta tam gơl loh làng rlau tai tàm broă lơh rcang lài kơryan pơhì pơhà, ngan là tơrgùm bơsong tơn jơh ală broă lơh bơt bơtàu, rơndăp broă lơh lơyài tŭ tơngai lơh jat, pơgồp bơnah hòi jà tă pơgồp bal, ngui geh cồng nha ală priă jền drơng jơnau kờñ gơguh lơh sa rlau 8% tàm nam 2025 mờ 2 nơm khà tàm ală nam pơn jat tai. Tổng Ƀí thư ồng Tô Lâm kung sồr, lơh tơn jơh broă lơh rcang lài kơryan sa kuề sa kuà, pơhì pơhà mờ bơta ờ niam bơh Kơnòl broă Pơrjum dờng dơ̆ 13 dê. Tềng đăp mat, tàm nam 2025, pal lơh ngan ngồn tơl làm ală gùng dà broă lơh bơh Đảng bè rcang lài kơryan sa kuề sa kuà, pơhì pơhà mờ bơta ờ niam neh geh đơs tàm Pơrjum dờng dơ̆ 13 dê.