Tổng Ƀí thư ồng Tô Lâm yal bè 2 jơnau kờñ dờng: tus nam 2030 di tơngkah 100 nam crơng gơs Đảng mờ tus nam 2045 di 100 nam ngai crơng gơs dà lơgar, mờ broă rơndap lơh tam gơl pa broă lơh sa, tam gơl pràn jak chài măi mok mờ tơrmù lơyah mpồl lơh broă sră pơ àr gơnoar atbồ. Bè lơh broă mờ lơgar ndai, Việt Nam kơ̆ dơn jat gùng dà lơngăp lơngai is, lơh tờm is, lơh broă uă lơgar, sền Ñờk là lơgar lơh broă bal jŏ jòng tơl làm kuơmàng khà dùl.

Tổng Ƀí thư ai lơh chờ hờp ngan tŭ bơta git gơp đah Việt Nam mờ Ñờk pơn jat tai bơtàu tơnguh tơl làm, ngan là tơnơ̆ tŭ 2 lơgar tơnguh bơta git gơp gơ gơs lơgar lơh broă bal jŏ jòng tơl làm. Lơh broă bal jrô ơnàng tàm ală broă bè lơh sa, lơh broă, bơto bơsram, tam gơl tơir, tam gơl sồ mờ tìp mat lơh kwèng làng bol gam ngai sơlơ bơtàu tơnguh tàm jơh ală bơta, pơgồp bơnah sơlơ tơnguh tai bơta git gơp lơh bơyô kơ̆ kơljap đah 2 lơgar.