Đơs tàm cribơyai, Tổng Ƀí thư ồng Tô Lâm đơs sùm, tàm tơngai jơh gùt plai ù lơh bal mờ broă lơh sa mờ măi mok dơ̆ 4, măi mok sồ neh mờ gam đơs nền gơnoar broă gơn kơnờm tờm, sơlơ tơnguh tai bơta bơtàu tơnguh lơh sa mờ mpồl bơtiàn. Tam gơl sồ ờ mìng là dùl gùng lòt ờ gơtùi pleh klàs lơm mờ gam là jơnau sồr jal mhar nàng Việt Nam in tơn lơyah bơta ngài bơtàu tơnguh mờ tiah do mờ tàm dunia. Mờ tam gơl sồ kung cèng broă lơh kwơ màng jŏ jòng, dong sơlơ tơnguh tai bơta pràn tàm pơrlòng Dà lơgar mờ kơ̆ kơl jăp gơnoar bơh lơgar Việt Nam dê tàm sră wăc sềr rùp lơh sa gùt plai ù dê.

Mơya nàng lơh geh ală jơnau kờñ do, pal geh bơta hơ pơr gon uă ngan bơh Cíñ phủ, bơta lòt bal bơh mpồl lơh sa kă bro, bơta tus bal jơh nùs bơh cau lơh broă mờ jơh gùt làng bol dê. Tổng Ƀí thư sồr, yờ tơnguh uă bơta pràn jak mờ gơnoar tàm pơrlòng gùt plai ù, pơnđơl pràn lơh ngan tus nam 2030, ai lơgar Việt Nam mut tàm mpồl 3 lơgar lam lài tiah đah Jum Mat tơngai lik câu Á dê bè kơlôi sơnơng mờ bơtàu tơnguh măi mok sồ, lơh geh ết ngan rlau jơh 5 mpồl lơh sa kă bro măi mok sồ dờng geh bơta pràn tàm pơrlòng mờ Ală lơgar.