Tổng Ƀí thư đơs sùm Việt Nam ờ tŭ lơi tam gơl tàm broă sền dờng màng bơta gĭt gơ̆p lơh bơyô bal ờs mờng mờ lơgar Belarus; kơ̆p kờñ sơlơ tơnguh tai lơh broă bal đah 2 lơgar tàm jơh ală gah broă, tài bơta kwơ bal bơh 2 lơgar dê, tài ring lơngai, lơh broă bal mờ bơtàu tơnguh tàm tiah do mờ tàm dunia.

Tàm tơngai tus nàng pơgồp bơnah lơh kơ̆ kơl jăp rlau tai mờ bơtàu tơnguh rlau tai tàm bơta gĭt gơ̆p lơh bơyô bal ờs mờng Việt Nam mờ Belarus, Tổng Ƀí thư ồng Tô Lâm kơ̆p kờñ mờ sồr pơn jat tai bơyai lơh ală broă lơh tìp mat lơh kwèng li la uă, jrô ơnàng làm uă rlau tai, gơ hòi gơ jà uă rlau tai bơta tus bal bơh ală rơnàng làng bol, ală cau jak chài, mpồl lơh sa kă bro mờ is ồn là rơnàng kơnòm să, dong rơnàng kơnòm să 2 lơgar in ngai sơlơ gĭt wă bal mờ rềp mềr bal mờ gơ̆p rlau tai, nàng kờñ bơt bơtàu ai bơta lơh bơyô bal đah làng bol 2 lơgar Việt Nam mờ Belarus ngai sơlơ kơ̆ rlau tai.