Tổng Ƀí thư đơs loh: Tàm pơrjum Dà lơgar geh bơyai lơh tàm ngai 23/01 pa do, Mpồl duh broă Dà lơgar ring bal pồ bơtơl ồng Nguyễn Duy Ngọc at gơnoar broă Kwang bàng Ƀộ Cíñ trị, Cau kong kơnòl Anih duh broă Sền sơwì Dà lơgar nàng lời tŭ tơngai ai ồng Trần Cẩm Tú in tơrgùm lơh jat kơnòl broă Duh broă sùm Ƀan Ƀí thư.

Gơwèt mờ ồng Nguyễn Duy Ngọc, Tổng Ƀí thư ồng Tô Lâm đơs sùm là kwang bàng geh pràn jak, geh bơto bơtê nền nòn, geh ală broă lơh, geh bơsram tàp, bơta lòng tàm bơta geh ngan bơh ƀòn lơgar tus kwang bàng đơng lam bồ Ƀộ Kwang àng, geh Đảng, Dà lơgar jàu bàr pe kơnòl broă kwơ màng ngan. Tàm tŭ tơngai lơh broă, ồng sùm lơh sir jak ngan kơnòl broă geh jàu. Tổng Ƀí thư kơ̆p kờñ mờ pin dờn ồng Nguyễn Duy Ngọc sùm tơnguh uă nùs nhơm, geh kơnòl, kơ̆ dơn cíñ trị, bal mờ mpồl kwang bàng, viên cứk Anih duh broă Sền sơwì Dà lơgar lơh sir jak ngan kơnòl broă geh jàu.