Broă lơh do ai tơngŏ dùl broă lơh pa tàm bơta lơgar Việt Nam mờ lơgar Nga gam pờ ơnàng lơh broă bal tơl ală bơta tàm uă gah broă, is ồn là lơh sa, kă bro phan, niam chài mờ tìp bal làng bol.

Broă tơrbŏ wơl gùng par song tơn đah Hà Nội mờ Moscow ờ mìng pơgồp bal tàm broă lơh pràn tam pơgơl broă kă bro phan mờ bơtàu tơnguh lòt nhơl, mờ gam ai tơngŏ jơnau hơ jŏ jòng tàm broă tơnguh broă tơrbŏ bal jŏ jòng đah bàr lơgar dê. Kờp dŭ, tàm Porjum cri bơyai Lơh sa kă bro đah lơgar Việt Nam mờ lơgar Nga bơyai lơh tàm càr lơgar Moscow tàm ngai 11 nhai 5, Vietnam Airlines rơ̆p kĭ hơ bal Sră nggal kah bal lơh broă bal mờ 4 mpồl lơh broă lòt nhơl pơnrơ ngan bơh lơgar Nga dê. Tŭ do, Vietnam Airlines lơh geh gùng par song tơn Hà Nội mờ Moscow mờ bơta pràn 2 dơ̆ par pah poh tàm ngai dơ̆ Pe mờ dơ̆ Pram.