Tổng Ƀí thư đơs nền Đảng, Dà lơgar mờ làng bol Việt Nam sùm sền dờng màng cih kah bơta tam klăc mờ bơta dong kờl jơh nùs, jơh tồr mờ Cuba neh lời ai Việt Nam in; tơlik nùs nhơm pin dờn dà lơgar Cuba oh mi, bơh bơta đơng lam bồ àng sơrdah bơh Đảng Kộng sản Cuba dê, pơn jăt tai kơ̆ kơl jăp sơrlèt ală kal ke, bơta lòng, lơh geh ală broă lơh geh pa tàm broă lơh bơ̆t bơtàu mờ sền gàr Dà lơgar.

Tổng Ƀí thư ồng Tô Lâm đơs sùm, gơ wèt mờ Việt Nam, tam klăc, dong kờl bal mờ lơh broă bal mờ lơgar Cuba là kơnòl mờ jơnau dipal pal lơh; sồr bàr đah pơgồp bal lam lơh geh cồng nha ală rơndăp broă lơh lơh broă bal tàm broă lơh gơlik phan sa geh gar, năng lượng; cribơyai rề ơnàng lơh broă bal tus ală broă bềng bơta pràn bè măy mŏk kơlôi sơnơng phan kis, lơh sơnơm, lòt nhơl; pơn jăt tai lam lơh geh cồng nha ală gùng dà broă lơh mờ jơnau ring bal lơh broă bal đah bàr Đảng, bàr lơgar.