Tàm dơ̆ wă, Tổng Ƀí thư đơs niam ngan ală tă pơgồp jơh nùs mờ lơh ngan bơh Kwang ătbồ Anih lơh broă ala măt dê ai broă chồl tơnguh gĭt gơ̆p 2 lơgar in tàm tơngai lài, mờ broă tờm là broă tơngguh broă gĭt gơ̆p 2 lơgar gơguh tus Tam klăc lơh broă bal Jŏ jòng tơl làm mờ chờ gờm Kwang ătbồ Anih lơh broă ala măt neh lơh sir tơngai lơh broă geh cồng nha ngan tàm lơgar Việt Nam. Tàm tơnggume Tam klăc lơh broă bal Jŏ jòng tơl làm, 2 lơgar kờñ pal pơn jăt tai sơlơ lơh geh tai bơta pin dờn cíñ trị mờ tam pà bal bè bơta sền sơnơng mờ jơnau kơlôi gơ wèt ală broă tàm tiah do mờ ală lơgar.

Di dơ̆ do, Tổng Ƀí thư tơlik nùs nhơm ưn ngài Cíñ phủ lơgar Australia neh dong kờl lơgar Việt Nam tàm uă broă bè lơh sơnơm, ai mpồl ling sền gàr ring lơngai Liên hợp quốc, drơng wơl mờ tam gơl nhơm trồ tiah mờ tam gơl năng lượng, ai tơl bơta ƀươn ai mpồl bơtiàn 350 rbô nă cau Việt Nam tàm lơgar Australia in; đơs nền Việt Nam kơ̆p kờñ tơngguh rlau tai gĭt gơ̆p, lơh broă bal mờ lơgar Australia tài bơta kwơ bơh làng bol 2 lơgar dê, tă pơgồp tàm ring lơngai, kơ̆ kơl jăp tàm kơnhoàl ù tiah do mờ tàm dunia.