Tàm dơ̆ wă rò, Tổng Ƀí thư ồng Tô Lâm đơs nền, Việt Nam ờ tam gơl broă sền Mỹ là lơgar lơh broă bal kuơmàng jŏ jòng khà dùl mờ kơp kờñ lơh broă bal jơh nùs mờ Mỹ nàng ai bơta git gơp lơh broă bal đah 2 lơgar ngai sơlơ bơtàu tơnguh ngan ngồn, tơl làm tàm jơh ală bơta, lam lơh jat geh cồng nha ală tơngume tàm Jơnau yal bơr bal mờ Broă rơndap lơh lơh broă lam lơh git gơp lơh broă bal jŏ jòng tơl làm tài bơta kuơ bal bơh 2 lơgar dê mờ tài ring lơngai, lơh broă bal mờ bơtàu tơnguh kơ̆ kơljap tàm tiah do mờ tàm ală lơgar.

Kwang atbồ anih lơh broă ala mat lơgar Mỹ đơs ngan dùl Việt Nam “pràn, lơngap lơngai is, bơtàu tơnguh, pơnđơl pràn is” là dùl bơta tă pơgồp jơh nùs ai ring lơngai, kơ̆ kơljap tàm tiah do mờ tàm ală lơgar mờ là bơta mờ Mỹ sùm tò dong. Kwang atbồ anih lơh broă ala mat lơgar Mỹ đơs sùm ală mpồl lơh sa kă bro mờ mpồl lơh broă bal lơgar Mỹ sền dờng màng ngan lơh broă bal lơh sa – bơcri priă, kă bro mờ Việt Nam, tàm hơ̆ Việt Nam geh sền là dùl tàm ală lơgar lơh broă bal kuơmàng tàm ală lơgar lơh gơlik mờ tac phan gùt dunia mờ drà kă bro Việt Nam gam lơh gơlik uă tŭ niam ai ală phan bơna mờ broă drơng ala bơh Mỹ dê.