Tàm dơ̆ wă, Tổng Ƀí thư ồng Tô Lâm đơs ngan, Việt Nam sùm sền Nga là dùl tàm ală lơgar lơh broă bal khà dùl lài ngan tàm broă lơh mờ lơgar ndai. Việt Nam kơp kờñ gàr sùm bơta git gơp ờs mờng niam bơnĕ, drơng bơta kuơ bơh 2 jơi bơtiàn dê, pơgồp bơnah gàr sùm ring lơngai, lơh broă bal mờ bơtàu tơnguh tàm 2 tiah mờ tàm ală lơgar. Nàng pơn jat tai tơnguh cồng nha lơh broă bal 2 lơgar, kuơmàng là tàm nam 2025 do di tơngkah kir sơnrai 75 nam ngai lơh bơta git gơp cribơyai broă mờ lơgar ndai, Tổng Ƀí thư ồng Tô Lâm sồr 2 lơgar pơn jat tai sơlơ tơnguh tai tàm pơgơl mpồl kwang bàng kâp dờng; lơh broă bal jơh nùs tàm ală cribơyai uă lơgar; lam lơh jat geh cồng nha Jơnau lơh nền kă bro khat gơboh Việt Nam – Mpồl tam klac lơh sa câu Á – câu Âu; đal git ală gùng dà, broă lơh mờ rơndap broă lơh lơh broă bal pa tàm ală broă sền gàr dà lơgar, lơngăp lơngai, măi mok pa, năng lượng, đèng hạt ñân, jak chài kuơmàng, niam chài – đơs crih tamya kơlôi sơnơng.